鄭家純同米高積遜，一個搞地產，一個唱歌，照計大纜都扯唔埋，但噚日八方睇外國通訊社報道，話佢哋兩個一齊收購一間加拿大嘅獨立製片公司MDPWorldwide。MDP當然唔及荷李活大製作公司派拉蒙、霍士等咁大，但舊年都有套戲係美國開畫賣座冠軍，就係《全職劍客》（TheMusketeer）。
米高積遜都話拍過戲，所以買番間電影公司，當為自己宣傳，但純官買間電影公司做乜呢？唔通佢覺得加拿大電影有可為。呢間MDP喺多倫多交易所上市。純官同米高積遜入股嘅消息一出，隻股都升咗二十六巴仙，睇嚟加國股民都幾受落。
傳真︰2623-9278
電郵︰