下個月一號就係香港特區成立五周年紀念日，為咗隆重其事，維多利亞港會有煙花滙演，特首董建華同佢班特區新管治班子，重會喺灣仔會議展覽中心宣誓就職。八方聽聞，警方會出動五百人，負責就職禮嘅保安工作，包括搜查場地同埋保護要人；另外又會派多幾百人負責煙花滙演嘅人流同埋交通控制工作。至於應付例牌嘅遊行示威，警員人數亦有成二百人。聽講直至目前為止，警方已經收到十宗遊行集會嘅通知，其中包括三宗慶祝集會。不過，計計埋埋，出動嘅警員都唔夠一千人，少過上次「全球財富論壇」。
回歸五周年咁高興，酒店業亦把握機會做生意，有酒店推出當晚賞煙花嘅優惠房間套餐，包埋兩人自助早餐都係千幾蚊，重包保房間有海景，睇到煙花㖭。
傳真︰2623-9278
電郵︰