【本報訊】精神科醫生賴子健指出，現今的教師既要面對連串的教育改革，又要處理學生輔導工作，壓力很大，他相信有關老師可能是在精神緊張及情緒抑鬱下，才無意識及無動機地作出錯誤的舉動，猶如「有啲人去超級市場買嘢唔記得畀錢一樣」，不算十分嚴重，亦不算患上精神病。
他指出，香港人普遍並不十分重視精神健康，而且甚為抗拒精神科藥物，即使行為出現異常，往往不會即時求醫。但他提醒為人師表者，若長期出現精神緊張，又經常嚴重失眠及食慾不振，影響日常生活，應即求醫。
香港中文大學醫學院精神科學系副教授李德誠則表示，當一個人遇到很大壓力時，其中一個反應可能「係做一啲平常唔會做嘅嘢」，故有關老師的解釋可以接受。「外國有個個案，就係有個中年管理層喺英國馬莎百貨高買，佢明知偷嘢係唔啱，但係最後都喺不知不覺間做呢樣失常行為。」他指出，現時首要工作是為有關老師的行為進行評估，並提供適當輔導及幫助。