翠玉瓜係近呢兩、三年至有嘅蔬菜，最先只有美洲進口貨，後嚟經我哋祖國移植，市面多咗翠玉瓜賣，而且價錢亦較經濟。
家陣搵到嘅翠玉瓜普遍都係祖國貨居多，Size比較細條。夏天係翠王瓜當造期，部分菜檔或超市都可以搵到佢。翠玉瓜瓜肉清甜爽口，清炒或滾湯都可以。
紫色番薯大家食得多，用佢做成嘅麵條又可有試過？最近行過超市畀我發現咗呢款最新由日本出產嘅紫薯麵條，顏色好吸引，烚熟真係有啲唔捨得食。買包返去整嚟食，啲仔女試過都話好食，麵條幼而軟滑，一小紮只需要烚約三分鐘就食得，我成家人都比較鍾意凍食，只要烚熟，將其過冷河，雪凍後拌以冷麵醬汁，簡直涼透心呢！
文：肥師奶