許志安昨晨偕老友張衞健及張母出現機場，三人一同飛往日本睇世盃。而健仔女友張茜於稍後赴日會合，問安仔為何不與女友鄭秀文同行？他笑說：「你又知佢唔去？」
今屆世界盃賽事已進入四強爭霸階段，昨晨有不少名人明星離港，紛紛飛往日本睇波。向為圈中孝順仔的張衞健昨日早上十時許，偕同母親及好友許志安於機場美心閣歎早茶，接着三人飛往日本旅行看世盃。
健仔與母親在離開美心閣時巧遇記者，健仔即向記者說：「小心啲，唔好撞到我阿媽。」問到健仔今次會在當地逗留多久？他笑說：「我去落地生根呀。」記者又問為何不見其女友張茜同行？他便說：「你又知佢唔去？佢遲啲去。」
至於安仔，被問及是否獨自一人睇波時？他竟無厘頭地哼梅艷芳的歌曲《孤身走我路》，問他為何不與「好朋友」鄭秀文結伴睇波？安仔即說：「我好多好朋友㗎。」但其後他又說：「唔好亂講，我嘅好朋友得一個咋，你又知佢唔去？」
此外，健仔表示自己與蘇永康仍有聯絡，他說：「佢幾好吖，佢唔睇波，但會睇吓碟，聽吓歌咁。」
除了安仔及健仔外，潘廸生夫婦及林建名昨日亦分別出發往日本看世盃。而現身機場的尚有劉嘉玲，但她沒有透露往哪兒。
採訪：馮美茵
攝影：陳慧安