「九一一」到𠵱家都過咗大半年，唔知重有冇人因為呢件大災難而唔敢搭飛機？澳洲航空公司諗咗條好橋鼓勵人搭飛機，佢哋搵到熱愛飛行嘅荷李活巨星尊特拉華達(JohnTravolta)，親自駕駛一架六十年代出產嘅澳航老爺波音七○七環遊世界，下個月會飛嚟香港。
呢個名為「友誼之旅」嘅國際親善行動，無非都係幫澳航宣傳吓飛行樂趣。七十年代憑藉電影《周末狂熱》及《油脂》竄紅嘅尊特拉華達喺十六歲時已經學揸飛機，二十七歲考到私人飛機駕駛執照，到𠵱家四十八歲已經飛行咗成五千小時，佢同澳航似乎關係極佳，重講笑話曾經想改囡囡個名做Qantas(澳航英文名)，不過俾太太否決咗。
一個咁好嘅宣傳機會，可惜澳航捉到鹿唔識脫角，八方問佢哋尊特拉華達嚟到香港會做啲乜？公關小姐只係好有禮貌咁答：唔知道。
傳真︰2623-9278
電郵︰