安雅和名模MaggieQ日前往菲律賓為新片《新赤裸羔羊》拍外景，昨日雙雙返港。安雅和蘇永康早前在台灣涉嫌服食搖頭丸被捕，對於會否返台灣應訊一事，安雅說：「有需要我會返台灣解決呢件事，暫時呢件事對我嘅工作都冇影響。」
有雜誌報道指安雅在當日事發後，曾致電台灣富商黃任中求救，安雅說：「我冇打過電話畀佢，我都係嗰次嚟香港一個拍賣會識佢。」黃任中在訪問中大讚安雅，問安雅可想做對方的女友或契女時，安雅說：「唔會啦，我係ABC嚟嘛，唔做呢啲嘢。」
而修身堂老闆張玉珊早前表示會暫時抽起安雅的廣告宣傳，對此安雅說：「唔係，張玉珊都好支持我。」
此外，MaggieQ與陳冠希胞姊Olivia日前被拍得跟六名外籍男子蒲中環KeeClub，她昨日說：「Justmyfriend！（他們是我的朋友）」
採訪、攝影：黃文偉