早輪，亞Mark話過日產代理，遲吓會正式引入嘅全新March車系，首批新車經已陸續運抵香港喇！之不過佢哋為隆重其事，等埋車廠代表到港主持新車揭幕儀式嘅關係，所以部March要等到下個周末同周日，才會響尖沙嘴某大商場舉行首展。然而，若果你經已一早落Order預訂的話，就可以經Sales預約，先睹為快咁睇部新車喇！據聞見過部車嘅客人，都好滿意部新March嘅造型同裝備，尤其係代理大手筆咁裝配有一套高級大面板音響系統畀客，加上車價不過11萬多啲，既有齊14吋跑車合金軨，又有至High-tech嘅KeylessGo遙控門鎖組合，加埋重有多款至Yeah嘅BodyColour選擇，相信會惹來不少車迷追捧㗎！