黃伊汶和譚俊彥昨日去到橫頭磡邨的香港老年癡呆症協會擔任關懷大使，和一眾老人家唱歌、玩遊戲。
黃伊汶稱她外公和父親黃進的過身對她的影響很大，所以呼籲大家要珍惜和老人家相處的時間，黃伊汶說：「我見有啲朋友將老人家放去老人院，我覺得咁做唔係好啱，我自己鍾意同老人家相處，家有一老，如有一寶吖嘛！」
而譚俊彥則透露自己的名字原來是剛去世的大導演張徹所改，他說：「因為我個名係張徹改嘅，所以覺得佢特別有親切感，但係我見佢嗰陣，已經要用紙筆嚟溝通。我爹哋（狄龍）因為喺內地拍戲，所以未必返到嚟搞張徹嘅身後事，佢已經吩咐咗我代佢做要做嘅嘢，重叮囑我喺出殯當日一定要早到。」
採訪、攝影：何永寧