今晚場波巴西要讓一球，即係有機會走盤，嗌足全場隨時得個桔，一於玩其他盤啦！可以考慮吓「入球下盤」、「土耳其哈辛入第一球」、同埋「巴西半場未能領先」呢三瓣。 文：華度
巴西「三R」缺其一（朗拿甸奴停賽），威力未知會否銳減，但就肯定令朗拿度及李華度嘅「首名入球球員」賠率熱上加熱；不過今屆賽事佢哋喺呢方面嘅表現，都唔算太過突出，兩人只各一次「跑出」，朗拿度嗰次（對哥斯達黎加）重要係國際足協之後追加嘅。而且巴西五場有三場都係落後先嘅，今場真係宜揀土耳其球員，當中又以已經兩次「跑出」、有十倍嘅哈辛最抵玩。
今屆賽事雖然入球數字幾高，但係好似只限出現喺分組賽，十六強打後嘅賽事已經變得比較少入球出現；淘汰賽制令每隊都行軍謹慎，四強之前嘅十二場淘汰賽，總共有十場係開「入球下盤」，所以「拗頸」只宜偶一為之，今日就要繼續追捧「入球下盤」嘞。
巴西喺今屆賽事當中，有兩場係先落後於對手嘅，其中就包括分組賽對土耳其，所以就算巴西今場實力高啲，我都唔會考慮半場捧巴西領先嘅，應該會半場兩無紀錄返回更衣室，和波合理。全場方面，正如本報今日主打所講，巴西贏面真係大啲，今場敲「和/A」、「B/A」、或者「和/和」都得。