世界盃一到全世界讓路，電影業本來已經有所謂五窮六絕，今年6月戲院更是水盡鵝飛。不過話咁快世界盃打到4強，其實剩低只幾場比賽，打完大家一定好空虛。
戲院就蓄勢待發，話晒7月都係暑假黃金檔期，今年重頭之一《黑超特警組2》7月中上映，97年第一集全球狂收6億，劇情好玩，承勢推出的產品自然不少。而當年先知先覺者有Hamilton，推出《MIB》特別版手表令品牌翻生，今次上第二集當然唔執輸，早前已報道過。除咸美頓外今勻重有Rockport鞋，黑超拍檔穿着的叫Pallas，鞋款大方斯文，睇落無Rockport一貫的悠閒味。有點奇怪，是這鞋要9月才到港，相信到時電影已落畫，明星效應何在？
記者：何兆彬
查詢：28907330