繼富士披露會有新款ImprezaWRC跑車面世後不久，另一邊廂嘅三菱車廠，自92年10月推出LancerEvo.Ⅰ至今十年共八代之後，亦正式宣布會響明年2月，推出新一代LancerEvo.Ⅷ跑車。據知，新車造型會以上一款Evo.Ⅶ作藍本，再作修飾之餘，引擎重會改用上可變雙凸輪軸設計，雖然馬力輸出仍維持響280匹嘅水平，惟扭力輸出可再提升多0.5至1.0kgm左右，達40.0kgm嘅數值。再者，傳動裝置亦用上6前速CloseRatio手波組合，着眼點會係耗油量可望調低多一點嘛！至於底盤結構，仍會用上現今一款嘅原有設計，皆因可靠性有一定保證。然而，新款LancerEvo.Ⅷ嘅車重指標，會較上一代輕出20-30kg，維持於1400kg上落，以增強起跑及加速嘅勁度。鍾情LancerEvolution系列嘅Fans，就要密切留意喇！