無綫連續三個星期被有線世界盃賽事打得落花流水，今晚終有復仇機會，兩台將於今晚開始齊齊直播世界盃四強賽事，為爭取收視率，有線和無綫連日來不停在宣傳片上互相挑釁，未開戰已先行舌劍唇槍一番。
無綫由今晚開始直播世界盃四強賽事，跟有線來個正面對撼，這場世界盃電視大戰一觸即發。
為跟有線對撼，無綫近日頻頻播出一些具挑釁性的宣傳片段，李克勤的宣傳片中，直指「波係唔使畀錢睇」，而有線亦播宣傳片，如「𠵱家講波係唔使着西裝」，擺明踩無綫足球評述員着西裝講波老套。
對於有線的挑釁，有三十年講波經驗的無綫足球評述員林尚義未有放在眼內，他昨日在電話中說：「呢啲細路哥講嘢啫，着西裝係尊重賽事，外國人全部都係着西裝啦，不過，每個台有每個台嘅風格，人哋嘅嘢我唔理得咁多。」
為挑戰有線，無綫今晚將找來二十位候選港姐助威，務求在收視方面收復失地，力戰有線的世界盃天使女郎。另方面，有線亦派出谷德昭和馬啟仁等，親到日韓作現場評述，務求出奇制勝。
有線世界盃主持馬啟仁和谷德昭昨日出發到日本欣賞世界盃賽事，馬啟仁昨日在長途電話說：「無綫成日都話睇波唔使錢，但我相信觀眾睇開有線有感情，況且我哋現場可以申請到入場拍攝，相信淨係個氣氛都優勝，而且我哋嘅攝影機都可以拍得場內嘅花絮。」
至於上周無綫收視，在世界盃影響下再創新低，上周五晚美國對德國爭入四強一戰，一度令到黃子華主持的《一觸即發》跌至最低十六點，即約一百零五萬觀眾，較前一周最低點還少了近七萬觀眾。雖然上周三和上周四均沒有賽事舉行，但《一》節目的平均收視僅回升了一點，只有約一百三十二萬觀眾收看而已。