不滿被叫Uncle
王傑指何麗全搞事

王傑、Twins、容祖兒及陳穎妍等，昨日出席在尖沙嘴日航舉行的「2002全球華人新秀歌唱大賽」記者會。

「畀個機會我」
早前曾有傳Twins的鍾欣桐曾稱王傑為「阿叔」，昨日當主持陳穎妍介紹王傑上台時，無綫高層何麗全竟搞笑的說：「乜唔係叫uncle上台咩！」
事後問到王傑的感受時，他帶點不悅的說：「呢啲咪搞事嘅人，不過佢都係搞下氣氛，其實我自己就冇所謂，不過唔好成日提我年齡，咁爭錢、爭寵又話過我做金手指，乜都講晒啦！畀個機會我啦！」
此外，Twins與容祖兒前晚在電視城出席《勁歌季選》，Twins透露她們將於八月推出第二輯寫真集，今次花了過百萬製作費，而寫真集亦會在日本取景，分為上下冊，下冊會以日記形式推出，由Twins兩人親筆撰寫生活趣事，蔡卓妍更笑指自己是蠢才女。

祖兒想拍寫真
對於Twins出道不久已推出多輯寫真，身為師姐的容祖兒自言也很想拍寫真，她說：「好趁青春留倩影嘛，我最想瞓喺草地扮玉女影相，不過唔想去日本或泰國影，最好去西歐啦。」