幾百萬名球迷上街睇大電視直播，支持南韓國家隊已經是一項創舉，有這麼多球迷，垃圾肯定一樣都多，但點解每次狂歡慶祝後，好快又回復至平時咁乾淨呢？
其實，南韓球迷雖然打氣時非常瘋狂，但係就十分自律，每次慶祝完後都會自動清潔現場，因為有唔少垃圾都係紙碎，有部份球迷重帶埋掃帚；絕對唔會只顧住自己高興而唔理公眾衞生，實在是亞洲之光。
所以就算每次光化門及市政廳範圍聚集數十萬人，都唔會出現好似香港年宵市場過後一樣，垃圾布滿維園等人清理嘅情景。
不過，南韓球迷喺準決賽替球隊打氣應該唔容易，事關漢城近日已經開始踏入雨季，雷雨不斷；加上比賽喺係晚間進行，相信到時上街睇大電視嘅球迷，可能同球員一樣變成「落湯雞」，要成功就要付出更大努力，講唔定全南韓幾千萬市民一齊打氣，發揮萬千人嘅「念力」，再次創奇迹。