小初噚日先至講緊意科控股（943）可能有新嘅策略投資者，真係話口未完，噚日就爆單料出嚟，話御泰國際（155）主席陳先生揸咗唔少貨。
雖然意科一直同陳先生間御泰融資行得好埋，但今次陳生直接持有咁多意科股份，就真係唔簡單，御泰向來都係財技高手，睇怕今次意科供股之後，會有一番搞作。
另外，雖然個市噚日升得唔算多，但有唔少之前急跌嘅股仔，股價都升番好多，好似亞洲鋁業（930），噚日就升咗10.8％，收82仙，成交金額重有成1700萬元。睇亞鋁個勢，抽番上93仙高位唔算難。
講真嗰句，亞鋁向來炒味相當濃，自從有個新董事上場之後，公司好積極向外資大行宣傳，啱啱呢排外資大行又時興玩細價股，所以就一拍即合，好似噚日咁，亞鋁嘅盤路就不乏外資行嘅蹤影。
慕容小初