有啲人遇到小小挫折就要生要死，如果聽吓傷殘奧運會輪椅劍擊項目金牌得主張偉良呢半生嘅遭遇，相信唔少人都會覺得好慚愧。屯門中華基督教會譚李麗芬紀念中學昨日為高中學生舉行「逆境自強分享會」。原來張偉良係該校校長嘅中學同學，所以獲邀擔任嘉賓分享佢嘅經歷。
張偉良話，十八年前在一次救援行動中佢失去左腿，咁都未夠慘，其後又發現愛女雙眼患腫瘤，面對終生失明的厄運，𠵱家又係負資產。張偉良話：「𠵱家好多人面對經濟逆境就自尋短見，我都係負資產，但積極、樂觀、夠膽去試，係我嘅座右銘！」成班學生聽完佢演講後，都大讚佢堅毅不屈。
傳真︰2623-9278
電郵︰