黃卓玲、徐子淇、吳文忻及黃寶瑤等人昨日為奧海城米奇開心派對行慈善泳衣show。其中早前稱因荷爾蒙失調而停經三個月、並暴肥十多磅的黃卓玲，昨日體形仍然相當肥腫，她表示現以中西合璧方法減肥，但她表示自己並不心急，現階段最重要是調理好身體。
五位女藝人包括黃卓玲、黃寶瑤、徐子淇、吳文忻及陳穎妍，昨日齊穿上活潑趣致的米奇老鼠泳衣行catwalk，大騷身材。其中以仍在調理身體的黃卓玲的身形最為豐滿，更被同場演出的吳文忻指身材最勁。
黃卓玲早前稱因荷爾蒙失調，突然暴肥十多磅，更停經三個月，連胸圍亦要買過，由於黃卓玲是美容院代言人，她不想影響美容院的生意，所以決定將病情公開。昨日所見，黃卓玲明顯是眾模特兒中身形最豐滿的一人，她說：「係呀，我以中西合璧方法減緊肥，暫時只係減咗四磅，但我知道唔可以心急，所以都好有耐性。醫生話我血管閉塞同微絲血管爆裂，所以個人先會咁腫。」
雖然黃卓玲未減磅成功，但她昨日仍大方地穿上三點式泳衣上陣，她說：「𠵱家最緊要係調理好身體先，所以我𠵱家其實係喺休息階段，不過今次係為慈善先行show，下月中我就會復出拍劇㗎喇。」
吳文忻則表示近日沉迷看世界盃，每次睇波時都吃大量零食，所以胖了不少，問她的心水球隊是哪一隊？她說：「我捧南韓，佢哋真係踢得好搏命，本來塞內加爾都幾好，不過我覺得前晚佢哋對土耳其嗰場好似打假波咁，踢得好慢。」
而徐子淇表示行這個show之前有親自挑選泳衣，她說：「我重係學生身份，太性感嘅唔啱我，之前有內衣商以七位數字搵我拍廣告，我都嫌太性感推咗。」