劉德華與張衛健昨日宣布加盟新公司「加際娛樂有限公司」，張衛健還榮升老闆，成立了自己的工作室，而華仔今次簽約新公司只限於他音樂上的工作，與中建老闆麥紹棠早前入稟擬向他發出的禁制令並無牴觸。
劉德華與張衛健（Dicky）昨日正式宣布加盟新成立的「加際娛樂有限公司」，並在尖沙嘴半島酒店舉行記者會，記者會除宣布二人加盟外，還宣布由Dicky做老闆的衛視工作室有限公司正式成立，此公司將會由Dicky親自負責製作電視劇，然後交由卓越電視製作國際有限公司發行。
昨日記者會吸引半百記者到場採訪，林建岳、王晶及多個傳媒的代表如甘國亮都有到場支持，而Dicky一出場即為大家帶來歡笑，他說：「其實我恨咗今日好耐，並唔係恨做老闆，係想有自己製作嘅電視劇，亦都想向華仔學習做生意，青出於藍勝於藍，就算俾人告都唔好一億五千萬咁『細雞』，係都一億五千萬美金。」
事後Dicky強調在台上純粹講笑，他說：「總之點都好，我會百分百支持我身邊嘅人。」Dicky表示今次加盟新公司得到八位數字的酬勞，他笑說：「據我所知我同華仔加埋都差唔多成一億㗎！」
中建的老闆麥紹棠，日前擬向華仔發出禁制令，不許他公開演出，又向華仔索償一億五千萬，但華仔昨日強調說：「我同天幕嘅生意性質一向都唔係關於音樂，我今次簽新公司係關於我嘅音樂事業，大碟發行會係EMI，我理解上係冇問題，而且我都唔可以坐喺度乜都唔做，如果天幕覺得我唔可以做，佢哋會停我，我係照正常程序做嘢，麥生做乜我唔可以制止，我覺得我都係做番一個藝人就算。我都同Dicky講，有人辭官歸故里，有人漏夜趕科場，叫佢小心啲。」
採訪：胡比 攝影：仇志德