盛傳會做財經事務及庫務局局長的馬時亨，因為有加拿大護照而被質疑有冇資格做主要官員，搞到人心惶惶，個個要返屋企睇下櫃桶底有冇陳年舊護照。
五年前，香港好多人都覺得今日唔知聽日事，工商界班闊佬更加買重保險，個個用錢「投資」個小國護照傍身，其中一個，就係即將貴為行政會議成員的田北俊。
事隔多年，都冇乜人記得田少的護照來自何方。有一位有心讀者前兩日提醒八方，話田少有毛里裘斯護照，但係八方就依稀記得好似係秘魯。不過邊度問題唔大，因為《基本法》冇規定行會成員唔可以有外國居留權，學田少話齋：「我又唔使俾人查！」
（右）田北俊係候任行會成員。
傳真︰2623-9278
電郵︰