世界著名香檳製造商、有「香檳王」之稱的DomPerignon，九月推出新年份香檳DomPerignon1995。品酒有二十一年的莫可欣應邀試飲，她還自揭「酒路歷程」如十一歲開始接觸餐酒和十八、九歲時常飲醉，累積多年經驗後，現時有自己的一套飲酒心得。
現年三十二歲的莫可欣對佳餚美酒要求甚高。世界著名香檳製造商、有「香檳王」之稱的DomPerignon，九月推出最新年份、售價約一千元的DomPerignon1995，由她來試飲這色澤淡金的新香檳，可謂適合不過。
自小移民瑞士的莫可欣，十一歲已開始接觸餐酒，酒齡迄今二十一載，她對酒的喜好亦隨年紀改變，她說：「十三、四歲時貪玩，鍾意飲好甜帶氣嘅Lambrusco，當果汁咁飲。到十八、九歲開始出去蒲，開始飲似applecider味嘅kid'schampagne，好易入口，好易上腦，嗰時成日都飲醉。」
莫可欣還表示多年來對香檳最有feel，因為香檳總會給她帶來歡欣的回憶。她說：「通常飲香檳都係喜慶日子，例如朋友嘅生日、周年紀念之類，每次個mood就好似啲香檳泡沫咁上升。我最記得有次去朋友喺堡壘舉行嘅婚宴，食足五個小時，六、七道菜每次都換唔同嘅酒，嗰次玩得最開心。」
對於美食，莫可欣亦極有研究，由頭盤到甜品應配哪一類香檳，她都有獨到的心得，她說：「DomPerignon1995呢隻香檳味道好清，帶有點點花果味無酸味，最適合女仔飲。頭盤適合配味道清淡啲好似魚生之類，主菜如果係羊，我就會揀帶玫瑰色嘅九二年Rose，而甜品偏甜，揀選清淡嘅香檳反而更加可以突出酒味。」
有「香檳王」美譽的DomPerignon，對嗜酒的人相信無人不曉。DomPerignon來自法國香檳區，由傳教士DomPierrePerignon所創辦，他因釀酒技術出眾，有「香檳之父」稱號。
採訪：DebbieLum
攝影：KennyMa
髮型：ManChiuofprivatei
服裝：WalterMa