八方前兩日寫過熱門部長廖秀冬長袖善舞，有心水清人士發覺佢其他拍檔嘅名都好熟，其中中文計算中心同EIKOMETRICS兩間公司嘅股東黃賢，亦可能係新聞人物。
八方翻查過資料，有一位黃賢，七九年喺北京大學教書，係第一位獲邀協助內地研究立法工作嘅香港人，但八一年突然被內地以盜竊國家機密罪拘禁，八三年被控做間諜判入獄十五年，九二年假釋之後返咗香港。但到九八年，內地最高人民法院為佢平反，宣布案件係錯案。
廖秀冬的拍檔黃賢，係咪呢位坐過冤獄嘅黃賢呢?八方暫未敢肯定，事關同名同姓者大有人在，好似兩年前《大公報》老總楊祖坤嫁女，婚禮上致祝辭嘅仁兄都叫黃賢，重一樣係律師！
傳真︰2623-9278
電郵︰