我Apple姐早前咪寫過話喺父親節嗰日，見到馬清偉湊住三個仔女出街嘅，冇幾耐就有傳媒影到盛傳同佢已經分咗居嘅馬薛芷倫同個鬼仔喺將軍澳約會嘞，睇嚟佢哋兩個真係各有各嘅世界。
我Apple姐個friend八畀我聽，原來俾雜誌影到同馬薛芷倫約會嗰個鬼仔叫Brian，係做模特兒嘅，佢原本同另外兩個男模合租一個將軍澳嘅單位，不過嗰兩個男模冇幾耐之前就搬走咗。而阿Brian租呢個單位時，個業主都同佢講，希望佢哋自律啲，唔好帶第啲人返屋企過夜，但係阿Brian喺兩個同屋搬走後，就已經忍唔住，帶好友馬薛芷倫返屋企相會喇。