成日講盤路有得捉，但係一場足球比賽有咁多變數，對於一啲認真去分析球賽嘅人嚟講，呢啲盤路說法實難令佢哋信服。不過，今屆賽事如果用上呢啲捉盤路嘅方法，又真係有計喎！
澳門百家樂玩法買「莊、閒」，足球比賽就「上、下盤」，博彩機會及原理都類同，不過百家樂就無得話分析莊家有實力，定係個閒會打得好啲；但參與嘅人都會有佢哋嘅「鑽研」方法，即係睇所謂嘅「路」，去推敲出下一鋪嘅結果。今屆世界盃，我就曾經將其中一個「強弱勢吼路方法」，套用咗去玩亞洲盤，結果好似真係幾得咁喎！
尤其𠵱家嘅比賽係逐場逐場打，完全脗合百家樂嘅玩法，可以睇住上一鋪結果嚟玩。舉個近啲嘅例子，十六強巴西對比利時，巴西讓球半，結果巴西大半場比賽「老鼠拉龜」，要去到近完場至射入第二球，雖然都係上盤，但就開得一啲都唔「清脆」。
以百家樂來講，若果個「莊」係贏得唔順或者好險，賭仔都會認為難以連開兩口，下鋪要試博「閒」，所以喺跟住嗰場日本對土耳其，就要轉博下盤。果然受讓嘅土耳其，喺比賽早段入波之後贏到完場，呢個下盤氣勢贏晒，相信會有力冧多一口，結果南韓對意大利亦真係再開下盤。
不過南韓呢個下盤，又係全場飽食驚風散咁贏番嚟（南韓又係到末段至扳平一比一）。見氣勢又轉弱，跟住嗰場巴西對英格蘭，就用同樣道理咁轉博番上盤，最後巴西贏英格蘭二比一，至此已連贏三口了。
文：華度
例一
日期（開賽時間）17/06（7:30pm）
賽事（90分鐘比數）
巴西勝比利時2：0
盤口：巴西讓球半
簡評：巴西要到下半場中段才開紀錄，之前更曾險先失一球，完場前才射成二比○，上盤贏得極險。
上仗盤路強弱勢：?今仗策略：?結果：?
日期（開賽時間）18/06（2:30pm）
賽事（90分鐘比數）
土耳其勝日本1：0
盤口：日本讓平手/半球
簡評：土耳其早段取得領先，之後更有機會繼續擴大優勢，而日本威脅亦不大，下盤輕易得手。
上仗盤路強弱勢：上盤弱勢 今仗策略：轉捧下盤
結果：中
日期（開賽時間）18/06（7:30pm）
賽事（90分鐘比數）
意大利和南韓1：1
盤口：意大利讓半球/一球
簡評：意大利領先了大部份時間，而南韓要到完場前才能扳平搶開下盤，下盤勢又變弱。
上仗盤路強弱勢：下盤強勢 今仗策略：續追下盤 結果：中
日期（開賽時間）21/06（2:30pm）
賽事（90分鐘比數）
巴西勝英格蘭2：1
盤口：巴西讓平手/半球
簡評：巴西曾落後對手，至完半場前扳平，下半場再取一球至完場，上盤勢頭普通。
上仗盤路強弱勢：下盤弱勢 今仗策略：轉捧上盤 結果：中