八方最近見到白鴿黨主席李柱銘（馬丁）睇波睇到好開心，逢星期六就留喺屋企對住架電視睇世界盃。
馬丁更加開心嘅係，佢喺英國讀書嘅仔仔Joey都返咗香港，兩父子日日一齊睇波，汁都撈埋。
睇得咁開心，不如實地觀戰啦。馬丁兩仔爺一於飛埋去日本睇六月三十號嘅閉幕禮兼決賽，佢重講明唔受老婆玩，兩父子要過「二人世界」咁話喎。咦，咁咪分分鐘趕唔切飛返嚟見證七一回歸紀念同特首宣誓就職？馬丁就話：「值得咩？要咁趕飛返嚟？咪搞！」所以佢會七月一日深夜至返香港。
八方就話，最可惜就係佢會錯過同江主席見面甚至握手嘅機會。你知啦，話唔定一握手，連回鄉證都可以攞到手。
傳真︰2623-9278
電郵︰