早年成龍一部電影《霹靂火》，入面其中一部主角車──三菱FTO，以有型外貌見稱，呢部1996年落地嘅2手黑色車，車主開價只係7萬3千元；若你鍾意享受大自然的話，坐開篷車去兜風就最正，另一部開價唔到4萬嘅1996年路華216iConvertible，可算係抵玩型開篷車嘅至佳選擇。
資料提供：Auto22.com
車款：開篷車
製造年份：1996年
首次登記年份：1996年
傳動：自動波
引擎容積：1588cc
顏色：紅
行車里數：39,000km
牌費：2002年5月
手數：2
配備：有安全氣袋、車門電窗、門邊電鏡、桃木裝飾、皮位、ABS、合金胎軨及防盜。
備註：此車屬開篷房跑車，設備又見齊全。
鍾意假日開車四圍去兜風，享受大自然的話，開篷車可算係必然選擇；而呢部216iConvertible男女皆宜，6年車齡行車里數不足4萬公里屬中等偏低，價錢唔貴，有得諗！
車款：雙門房跑車
製造年份：1996年
首次登記年份：1997年
傳動：自動波
引擎容積：1998cc
顏色：黑
行車里數：31,000km
牌費：2002年5月
手數：3
配備：備有安全氣袋、車門電窗、ABS、合金胎軨、霧燈、CD音響、尾翼、+/-波及門邊電摺鏡。
備註：著名霹靂火跑車，有型又有格。
若你當年有睇過成龍主演嘅《霹靂火》的話，肯定同我一樣覺得FTO好有型，黑色車就更有辣味；但可惜牌費已到期，相信價錢亦有商量餘地。
車款：四門房車
製造年份：1996年
首次登記年份：1996年
傳動：自動波
引擎容積：2295cc
顏色：銀 手數：2
行車里數：49,000km
牌費：2003年1月
配備：備有天窗、電動皮位、安全氣袋、10+1CD音響連碟箱、AMG大包圍、尾翼、合金胎軨、門邊電鏡、Bilstein避震及Racing透氣煞車碟。
備註：保養好之餘，Option設備又見齊全。
此車備有Kompressor裝置，喺香港嘅路面環境經已好夠用，兼由德國製造又係名牌子，屬於理想嘅入門級豪華歐洲車；而前車主更加咗包圍，望落更富跑味及年輕化。
車款：四門房車
製造年份：1991年
首次登記年份：1991年
傳動：自動波
引擎容積：2500cc
顏色：銀
行車里數：100,000km
牌費：2002年11月
手數：2
配備：有齊車門電窗、真皮座位、ABS、防盜，合金胎軨、CD音響、門邊電鏡及恒溫冷氣。
備註：設備齊全，實為慳油好力家庭房車。
購買逾10年以上嘅高齡車，往往存在不少未知變數，因為有不少零件可能已老化到期，試車時要徹底了解，是否抵買則要視乎價錢及自己嘅budget而定。
上星期成交紀錄當中，一部2000年嘅0手萬事得MX-5，以$130,000成交；而另一部2001年嘅1手萬事得323則以$60,000成交，實在超值。
Auto22.com查詢
電話：60202022
電郵：
網址：
萬事得MX-5嘅銷量已列入健力士世界紀錄，成為汽車史上最暢銷嘅Roadster；但係佳績主要由第一代所創，現行嘅第二代「明燈」款式，受追捧程度較舊款略遜。
由於唔太流行嘅關係，第二代MX-5嘅二手價回落速度亦較快；以最近嘅成交個案為例，2000年1.8公升145匹六前速波箱版本，有皮位及桃木軚盤，屬齊料版本，二手叫價亦只能去到13萬，即係落地兩年已差唔多跌價一半。
話雖如此，唔少復古派車迷只鍾意第一代「跳燈」款式；但以車論車，第二代嘅造工比較認真，操控樂趣亦見不俗。與其用4萬蚊買部10年車，不如用10萬蚊買部1999年嘅第二代1.8公升型號，起碼可以節省唔少整車時間同金錢。
第二代MX-5分1.6及1.8公升兩款型號，而1.8公升型號又分有145匹輸出，同埋有DVVT系統嘅160匹版本，後者為2001年ModelYear才追加。打開頭冚時，盤頂前方有多一組凸起嘅DVVT系統，但市面上一啲六前速嘅145匹水貨車，連車行職員都矇查查以為係160匹型號，買家小心魚目混珠。
如果只鍾意個款，對性能冇乜要求，又想要自動波車的朋友，1998年製造嘅1.6自動波型號就最抵玩，唔使8萬蚊就有交易，一樣咁有型㗎。
有心買第二代MX-5過吓癮嘅朋友，要有心理準備市面上嘅放盤以水貨佔大多數，粗略估計水貨有8成左右；如屬日本中古車，最好自己搵個大偈老友幫幫眼。除要考慮引擎及波箱配搭外，車廂內嘅裝飾亦有多個等級，真皮車廂及桃木軚環比布座椅配膠軚環來得更高級，硬頂一般係Option設備；所以最好搵部連硬頂嘅二手車盤，皆因淨硬頂嘅水貨價亦要約一萬元。
保險方面，MX-5仍未被列入高危車款，買保險比豐田MR-2及本田TypeR等一級高危車容易得多，但一樣照例要加40%Loading。