只要有大電視嘅地方，都唔難發現「紅魔鬼」球迷的足迹，有時會發現點解有部份頸巾、頭巾會寫住Corea，而唔係Korea；點解？
原來都係南韓同日本關係之故，事關日本英文係人都知道係Japan，南韓則係Korea，照英文字母排列次序，J是先過K，要知道南韓同日本都係視對方為競爭對象，大家都唔想輸俾對手；就連國家英文名頭一個字母都唔想落後俾日本，所以有唔少球迷打氣頸巾等紀念品，特別改寫成Corea，因為發音同Korea差唔多，C字又排喺J字前面，一舉兩得！
好多人會認為咁樣好無聊，但決賽周前兩國為咗球票上嘅國家英文名排先後，亦都出現過爭拗。
南韓能夠歷史首次打入四強，今屆賽事成就的確比日本好，但其實兩國球隊都已經達到預期的十六強目標，甚至超額完成，表現絕不比歐美球隊遜色，令當地球迷度過歡樂時光，已經是一個成就，也是兩國經過努力耕耘所換來嘅美好成果。