陳百祥（阿叻）、李克勤、錢嘉樂、林敏驄和太太陳伶俐等，前晚在無綫電視城錄影節目《群星熱戰世界盃》。
林敏驄在參與遊戲環節時，戴上道具扮大手板，但他鬼馬地縮起其他手指，只剩中指變成不文手勢，但事後林敏驄卻否認說：「乜呀，有隻手指爛咗，我想試吓啲手指郁唔郁得之嘛！我梗係唔係特登整啦，粗口手勢都唔出得街，我好有分寸嘅！」
而主持人之一的阿叻則說：「我見唔到喎，做藝人應該有底線，好似我咁，點玩都得，但係我唔會講粗口、或者做粗口手勢，會教壞細路㗎嘛！」
此外，克勤昨日到銅鑼灣出席活動時，就陳伶俐指他用香檳淋林敏驄乃冇人性的言論回應說：「我同阿驄係朋友，但佢（陳伶俐）用啲咁嘅字眼，我真係好失望，港姐應該係美貌與智慧並重嘛！」
採訪：楊潔雯
攝影：仇志德