陳敏之、姚樂怡、陳霽平、江芷妮等昨日出席沙田新城市廣場舉行的明珠台「2002溫布頓網球賽」宣傳。
陳霽平最近被傳媒影到和前電訊盈科法律顧問韓尚志十指緊扣的相片，而陳敏之則被影到和男友揚明蒲蘭桂坊，陳霽平死口不認和韓尚志拍拖，只稱當對方是朋友，她說：「我驚冇人追，但我隻手就唔係個個可以拖。」陳敏之就較為大方，她說：「我唔係唔想認，但我唔想公司覺得我掛住拍拖。」
此外，姚樂怡透露最近遇上一個令她難受的中醫，她說：「呢個中醫係趙學而介紹我睇嘅，佢話我心肝脾肺腎都有事，又話我指甲黃，有好多女人病，重話我年紀大、機器壞，講到我一文不值，但最後我都喺佢度執咗好多藥走。」