容祖兒（Joey）昨日連踩兩場，先到尖沙嘴HMV舉行慈善唱片簽名會，再往旺角大派減肥茶，令在場圍觀的近五百名市民爭相狂搶，但Joey卻聲言自己肥肥哋至有福氣。
容祖兒（Joey）昨日與陳冠希（Edison）以生命熱線大使身份，到尖沙嘴HMV舉行《天生不倒》慈善大碟首賣暨簽名會，現場秩序良好。Joey完成簽名會後，即匆匆趕至旺角~H 2 O+專門店出席「夏日纖體美肌Fun分享」活動。
昨日舉行活動的專門店位於旺角兆萬商場地舖，近五百名市民為一睹Joey風采，一早已在門外等候，但因主辦單位未有申請封路，所以現場被圍觀市民迫到水洩不通，要出動二十多名保安和警員維持秩序。
Joey到場後與fans玩遊戲及送禮物，接着大會再安排Joey在店外派發三種減肥茶及健康飲品，即時惹起圍觀市民爭相推撞狂搶，現場陷入一片混亂。
事後Joey說：「好多人都覺得我瘦咗，我自己着衫都唔使就住就住。其實公司想我減肥減得健康，我以前減到最瘦嗰陣時，公司話我四眼哨牙凸下巴，我覺得自己都係肥肥哋好啲，有福氣吖嘛。」而Joey早前被拍下其他美容院減肥的照片，Joey笑說該美容院其實屬於~H2O+旗下。
此外，Joey與Edison昨日在尖沙嘴舉行的簽名會，吸引了二百名歌迷到場。Edison稍後便會往北京出席太陽計劃開幕禮，他亦會出席其姊陳見飛的簽約唱片公司記者會，問Edison可知其姊不簽約英皇？他說：「係咩？唔係㗎！我唔清楚呀！你地遲啲咪知囉！我唔會好刻意去幫佢做啲乜嘢，但如果要我同佢合唱就一定唔會，因為大家唔同公司好難搞！」Edison言下之意已透露了陳見飛並不是簽約英皇。
採訪：胡比
攝影：陳偉權