擁有五呎八吋身高的周麗淇（Niki），穿衣一向甚有個人風格，原來她最愛的是懷舊look，古典服飾亦佔據Niki衣櫃一部份。本報誠邀她示範二手衫時裝店的各式古着，她表示不怕二手衫「邪」，還會留起心愛的衣物，將來讓子女穿着。
由模特兒進身大銀幕的周麗淇（Niki），一向給觀眾的感覺是青春有活力，但其穿衣品味又如何呢？本報邀請Niki到城中二手衫專門店「TheLostandFound」示範古着，她甫進店內便大讚該店的衣服合心水，尤其是從日本購入的民族服。
Niki說：「我好鍾意vintagelook（古着打扮），覺得相當有型格，不過唔係每個人都適合，唔可以亂襯，否則就會好怪。而且vintage衫具有特別嘅歷史價值，所以我媽咪𠵱家重有收藏以前啲迷你裙。我覺得復古衫另有一種味道，而且別具意義。」
Niki認為現代人都喜歡古老當時興，她亦不例外，並自言最鍾意買vintage手袋，因為容易襯衫，Niki說：「好多人都覺得二手衫好邪，唔知邊個人着過，但係自己唔係咁迷信，所以冇所謂，喺外國買二手衫好普遍啫！」Niki笑說由現在開始都要將衣櫃的衫儲起，等幾十年後再流行，可以給自己的仔女穿着。
現在正忙着拍攝《百份百感覺》電視版的Niki，表示沒有時間shopping，她說：「我差不多兩個月冇行過街買衫，對上一次係喺日本工作時趁機shopping，藝人嘅生活就係咁忙。上個禮拜我重病到入醫院，好彩有媽咪煲嘅愛心靚湯畀我補身咋。」
由維他奶家族後人羅琪茵（Karen）在銅鑼灣百德新街所開設的二手服裝店「TheLostandFound」，開業大半年，已成為潮流人士的入貨點之一，專賣由店主親自從日本和美國搜購的vintage服飾，其中包括六、七十年代意大利經典老字號EmilioPucci、ChristianDior及Lanvin等二手名牌，以及Karen自己設計的牛仔褲。
店內值得一提的，是六十年代名牌EmilioPucci太陽眼鏡，今天看來仍然極具現代感，其中部份vintage迷幻彩色框太陽眼鏡，更是店主的私人珍藏。
採訪：JessicaNgan
攝影：EdwardChou
場地提供：「TheLostandFound」