舒淇和馮德倫前晚出席ChristianDior的活動，馮德倫的舊愛亦有出現，但兩人未有打招呼，其實兩人早前曾結伴外出，可是前晚因有記者在場，十分避忌。當舒淇與其舊愛傾偈時，馮德倫一直背着她們。
舒淇、馮德倫、黃耀明、時裝設計師何志恩和龔如心契女徐文玠等，前晚在金鐘港麗酒店，出席ChristianDior的活動。馮德倫當晚跟舊愛同場出現，但二人未有打招呼。
一直是Dior捧場客的舒淇，前晚一身Dior服飾到場，性感美麗。她的手上還戴了在連卡佛購買的紫色玉手鈪，舒淇說：「人哋話戴咗水晶同玉鈪會行好運，所以我咪戴住。我發覺呢排開心咗，可能冇咁忙，唔使成日出席活動，冇咁攰。我呢排都有留喺屋企睇世界盃，我捧英格蘭球隊，因為佢哋多靚仔球員，可惜已經輸咗。」
舒淇表示將跟馮德倫合作拍新片《午夜辦公室》（暫名），二人會飾演情侶。前晚馮德倫的前女友亦有出現，可是他們卻未有打招呼。其實兩人早前曾被拍得一同在謝霆鋒的band房附近出現，但前晚活動上卻顯得十分避忌，當舒淇跟馮德倫舊愛傾偈時，馮德倫一直背着她們。
問到馮德倫舊愛跟馮德倫過往的一段情，她以英語回答：「Timetogo（已過去）!」事後馮德倫則說：「我唔知佢嚟，我哋唔係一齊嚟，佢唔係圈中人，都過去啦，唔好再問，唔好迫我。」馮德倫還細聲對舒淇投訴其舊愛向記者直認二人的舊戀情，而馮德倫舊愛為避嫌則跟一名外籍男士作伴。
此外，大會還給眾嘉賓送上Dior價值約三千九百元的膠表，大家都即時戴上，而大會更安排幾位穿上泳衣的模特兒行騷。
採訪：卓美娟
攝影：仇志德