無綫新劇《洛神》昨日舉行宣傳活動，緋聞男女郭羨妮和陳豪成為眾矢之的，陳豪被取笑抱郭羨妮的手勢純熟。令陳豪即時與Sonija劃清界線，表示大家沒有發展可能，並暗示自己已有女朋友。
無綫新劇《洛神》將於明天起播映，昨日該劇演員蔡少芬（Ada）、馬浚偉、陳豪及郭羨妮（Sonija）等，在尖沙嘴香格里拉酒店出席宣傳活動。
眾演員穿上古裝戲服，大玩鬥快抱新娘上檯遊戲，其中緋聞男女Sonija和陳豪被編成一對，成為眾矢之的。雖然兩人是最後一對成功抱上檯，但劉丹仍取笑陳豪抱起Sonija的手勢最純熟，而監製梅小青則說：「陳豪，你恨到啦，可以抱Sonija。」
梅小青又以記者拍照為由，要求陳豪再度抱起Sonija，令陳豪一面尷尬。陳豪說：「避忌一定有少少，但對我哋友情冇影響，我唔知聽日見報會變成點。」而陳豪被問到是否有女友，及是否有意思向Sonija展開追求時，陳豪模稜兩可說：「私人事唔講，有冇女友都唔講，就算有被人影到相，我都唔會公開，亦唔會否認。我同Sonija係好朋友，大家冇發展可能，我亦唔會追佢。」言談間暗示已有女友，並與Sonija劃清界線。
而Sonija則大方說：「預咗會俾人講啦，我哋冇尷尬，今朝一齊泊車撞到，都唔避忌一齊行，我哋熟到乜都講㗎。其實要傳，應該講我同Ada先啱。」
Ada和Sonija昨日全程以孖公仔形象示人，兩人不但有講有笑，更不時手拖手，作狀互咀給記者拍照。
採訪：駱華齡
攝影：陳炯威