屬多產型小生的撈家，歷年來所拍的每部劇，都例牌離不開落水戲或與女主角親吻的戲份，差不多全無綫的花旦都曾跟他拍過親熱戲。
「我冇畀黑錢㗎！其實要拍親熱戲都冇法，做男藝人都好尷尬㗎，最緊要大家喺拍之前溝通好，講明點拍法，所以咁多年嚟冇人話我係鹹豬嘴。其實我拍劇嘅時候，真係會愛上對手㗎！但我呢頭拍完一部劇，嗰頭已經即刻開第二部，喺新劇入面又要鍾意第二個，所以有啲嘢我會好易唔記得，自己重成日要保持喺冷靜與熱情之間，都辛苦㗎。」
撈家更笑言為了經常保持頭腦冷靜，避免神經錯亂，他會以聽音樂、做運動及跟朋友喝紅酒、聊天等，來鬆弛自己。
今年撈家並沒有新劇推出，但事實上他卻有八十五集拍好的劇集仍未出街，包括《街市的童話》、《婚姻乏術》及《流金歲月》等三套劇。
「我一直未停過拍劇，自己亦一路好努力，我都想啲劇快啲出街，但做演員嘅都冇辦法控制㗎。」
後記：
撈家在尖沙嘴帝苑酒店接受訪問當日，巧遇單拖往游水的陳錦鴻，二人曾合作過《新上海灘》、《天地豪情》和《創世紀》三套劇集，撈家即滿懷歡喜地跟錦鴻寒暄一番。
剛拍完游水照片的撈家對錦鴻笑說：「你就好啦，真係可以喺度游水，我就要喺度做嘢。」而錦鴻則說：「我當正呢度係新加坡，得閒咪嚟游下水，當放假㗎啦。」
撰文：朱芷瑩 攝影：黃文成
協力：陳月媚
服裝提供：Replay
場地提供：帝苑酒店