郭羨妮和佘詩曼同是港姐出身的無綫姐仔，二人近期鬥出位之餘，更有報道指二人口和心不和。日前二人拍無綫新劇《帝女花》時，佘詩曼用樹枝打郭羨妮的手臂並令她留下瘀痕，郭羨妮更因此哭過。
郭羨妮和佘詩曼同是港姐出身，兩位無綫姐仔一直傳不和，二人更分別接拍纖體公司廣告較量，實行由電視台鬥到廣告界。
最近郭羨妮獲連續七年贊助港姐競選的手表品牌愛彼錶垂青，邀她為下周五至日（二十八至三十日）在銅鑼灣時代廣場舉行、慶祝RoyalOak系列三十周年的展覽會任司儀，這樣郭羨妮可算暫時贏了佘詩曼一仗。
愛彼錶亦睇中郭羨妮形象高貴大方，多次合作對她亦有信心，將邀請她示範一系列新表。前日郭羨妮和愛彼錶負責人在帝苑酒店傾談合作事宜，伊人十分識做地戴上九九年獲港姐冠軍時愛彼錶所贈的手表，她說：「呢隻表係我收嘅第一隻貴表，十幾萬㗎。」
郭羨妮展示手表時，記者發現她手臂有瘀痕，原來她日前拍攝電視劇《帝女花》，被對手佘詩曼用樹枝打後留下傷痕，她說：「因為劇情講我同佘詩曼（阿佘）爭仔，佢推咗我落山，我爬番上嚟嗰陣，佢重要用樹枝打我。」
郭羨妮續說：「阿佘初時唔忍心咁大力打我，但係拍出嚟唔似，所以NG咗好多次。阿佘重打到喊咁口，而我就拍到喊，因為除咗痛之外，嗰日拍咗八個鐘，我手臂留咗幾條瘀痕，其間又落雨，真係好辛苦。另外一場戲我又要跑嚟跑去，搞到『拗柴』。」
採訪：林妙萍
攝影：仇志德