日下晝世界盃英格蘭大戰巴西，唔係八方誇張，由兩點半開波到四點半完場，成個中環運作慢晒。就好似立法會咁，噚日財務委員會審議市建局一百億撥款申請，但竟然撞正英巴大戰，結果成班立法會議員，有成十幾人開小差走上立會二樓睇直播，英、巴擁躉各據一部電視機，但係就難為要留守大會嘅波迷嘞，真係好似成身俾蟲咬咁。「大舊」陳偉業同涂謹申喺個會即時滙報賽果，結果俾主席黃宜弘鬧。
事後英格蘭輸波，成班英格蘭擁躉立刻「哭波喪」，張文光重話要同八方一齊為英格蘭輸波默哀一分鐘，但係原來支持英格蘭嘅唔止民主黨，民建聯都有，但民主黨話費事累佢哋俾人話「政治不正確」，所以都係姑隱其名咁話喎！
傳真︰2623-9278
電郵︰