陳慧琳（Kelly）昨日於尖沙嘴日航酒店，出席星辰表四十周年活動。近日忙於為演唱會綵排的Kelly手上有瘀痕，她說：「我排舞時整傷嘅，我已經用咗超級遮瑕膏，但係都遮唔晒。」
對於有周刊報道指Kelly父親有一名二十八歲的女朋友，Kelly說：「我都見過佢，佢個人斯斯文文幾好呀，最緊要係佢錫我爹哋。其實年齡唔係問題，佢認真就OK啦！其實佢哋已經拍咗幾年拖，只要佢同爹哋溝通到就得。」
提到該報道又指其父於天水圍嘉湖山莊，設有「私竇」與女友相聚，Kelly聽罷即說：「你哋又想講乜核突嘢呀？我唔講呀。」
問Kelly是否贊成其父再婚時，她說：「最緊要佢哋兩個開心，我諗爹哋應該唔會再婚啦，因為佢已經有我哋幾個仔女。另外我已經命令佢封嘴，唔好再講任何嘢，呢啲嘢交代一次已經夠。」
採訪：李珮洳 攝影：羅德光