夏天暑熱，好多家庭都會買定好多消暑嘅果汁汽水放在家中以備不時之需。今次小記就喺惠康選咗啲消暑好味嘅特價飲品給大家參考，有啲重有可愛嘅精品換，又或是有贈送額外嘅飲品，都幾着數。而生果都係夏天不能少的食物，所以今次都有特價嘅合時生果介紹。另外，唔少得一啲特價精選食品，大家睇吓要唔要入定貨。
記者：謝翠玲
攝影：陳智良
Model：Diana
消暑飲品
Qoo嘅招牌公仔造型趣致，好多小朋友同大朋友都好鍾意，𠵱家咁啱重做緊兩種特價同優惠，鍾意Qoo嘅朋友要留意。優惠一是買兩支1.5公升裝的橙汁或提子汁，送350毫升飲品一罐。而買滿$19.9，加$19.9就可以換到可愛廁紙架，換完即止。
原價：$16.9/支(1.5公升)
特價：$14.9/支(1.5公升)
夏天必備嘅消暑飲品之一必有可樂的一份，屋企有小朋友就更加飲得快，啱啱𠵱家十二罐裝嘅可樂同健怡可樂都做特價，比原價平成$21.1，唔買就走寶。而趁世界盃進入最後階段，凡買八罐裝三盒或十二罐二盒，都可免費獲贈世界盃紀念版400毫升可樂一支，價值$10.9。
原價：$54/12罐
特價：$32.9/12罐
暑假期間無論家中又或是學校都可能有好多活動要辦，單單開個Party都要買定好多嘢。飲品一定唔少得，可以趁特價買定啲陽光盒裝飲品，到時就慳唔少。有檸檬、菊花、蘋果同橙汁可選擇。
原價：$17.2/6盒
特價：$9.9/6盒
唔想飲唔太健康同味道人工化嘅飲品，可以買呢隻鴻福堂出品嘅天然健康飲品。𠵱家買大支1.5公升裝，有買大送小嘅特價優惠，非常抵飲。大支裝嘅有夏枯草同雞骨草可以選擇，而送的小支則是加入蜜糖嘅花旗蔘蜜，全部成份天然。
原價：$20.9/支(大)
特價：$18.9/支(買大送小)
夏天好多時都會一家大小的去海灘玩，可以消暑解渴嘅汽水當然不可少。芬達推出雙色嘅500毫升汽水，分別有青蘋搭提子，橙汁搭荔枝味汽水，兩款都好抵，一排四支裝只賣$17.9，重送埋一個吹氣沙灘波，去沙灘最啱用。
售價：$17.9/4支
合時水果
這個時間是車厘子當造嘅時分，所以經常都可以買到呢種鮮豔欲滴嘅生果。𠵱家車厘子除咗數量多，重做緊特價，由原價要成差不多四十元一磅，現在只賣$25.5一磅，抵食好多，不妨一試。
原價：$39.9/磅
特價：$25.5/磅
平日食開嘅短毛奇異果係青肉，但呢隻價錢較高嘅係叫奇偉金果，果形較長，無太多短毛，果肉更為金黃而香甜，大家可以一試。而現正做特價，原價賣$3.9，特價只賣$2.9，每個平咗成一蚊。
原價：$3.9/個
特價：$2.9/個
金星蘋果一向都係比較高價嘅蘋果，事關唔係度度都有得賣，所以特別矜貴。但𠵱家金星蘋果都做特價，每個平了兩蚊，金星蘋果味道清甜而帶少少酸，不妨買個代替普通蘋果做沙律試試。
原價：$10.9/個
特價：$8.9/個
夏天西瓜當造，價錢平又消暑，但平日食紅色西瓜比較多都可能有點悶。今次就轉轉口味，趁特價就試吓買個黃肉西瓜來試試。黃肉西瓜味道較紅肉的淡，但水份都算多，食落比較清爽。
原價：$18.9/個
特價：$14.9/個
特價精選
即食麵係晚上肚空空又或者係唔想煮飯時嘅好選擇，而出前一丁更是很多家庭嘅即食麵首選。反正即食麵算是不可缺少的「儲糧」，特價就可以多買。出前一丁五包裝現正特價，原價每包$2.7，特價五包裝只賣$11。有麻油、雞茸、五香牛肉同豬骨濃湯等口味。
原價：$2.7/包
特價：$11/5包
大大排嘅雞尾腸，脆皮蜜糖腸同芝士雞尾腸，只賣$20.9，不妨買定多幾包放冰箱。
原價：$35/包
特價：$20.9/包
八公斤裝金象牌泰國香米做特價，平了十六蚊。因為是八公斤大包裝，最啱屋企人多嘅家庭入貨。
原價：$71.8/包
特價：$55.8/包