八方細細個最鍾意睇凡爾納（JulesVerne）嘅名著「八十日環遊世界」(AroundtheWorldinEightyDays)，好想學主角福克先生（PhileasFogg）咁四出遊歷，重贏得美人歸，估唔到今時今日，有人用八十種不同交通工具將呢樣嘢付諸實行。
參加今次「八十法環遊世界——香港挑戰之旅」壯舉嘅三位英籍人士，包括救人時遇意外而失去雙腿嘅麥敬時、雙目失明都攀越過喜瑪拉雅山嘅曉頓，同埋最近完成印度森林遊記嘅嚴重弱視女作家紀思怡。
呢個活動由香港賽馬會撥出五百萬元主辦同贊助，佢哋將會聯同一名領隊，用騎大象、騎鴕鳥、坐牛車同獨木舟等方法，遊遍全球二十個國家。
歷險隊會喺九月初由英國倫敦出發，其間會喺香港停留一星期，同香港嘅後生仔分享經驗，坐獨木舟、風帆同埋高爾夫球車等工具周圍去，之後會再去日本同美國等地。
馬會噚日請咗成班知名人士同佢哋打氣，每人許下一個「我做得到」嘅承諾，馬會行政總裁黃至剛率先應承每日稱讚做得好嘅同事，畀多啲鼓勵佢哋咁話，王䓪鳴都話要每日最少講一句欣賞別人嘅說話。
傳真︰2623-9278
電郵︰