林敏驄前日出席「無綫2002世界盃」記者會時，被阿叻陳百祥及李克勤用三支香檳淋至全身濕透，連他的LV袋亦濕了。其太座陳伶俐昨日為此事灑淚，她說：「我老公又冇撩佢哋，我真係覺得好嬲。」而李克勤曾就此事說：「林敏驄個老婆都唔知點管佢」，令陳伶俐更加氣憤。
昨日幾位當事人都在無綫電視城出席世界盃拜神儀式。阿叻說：「唔玩得就唔好入明星足球隊，平時我哋都係唔踢波踢人，咁錫佢就唔好叫佢嚟，佢老婆嬲關我乜嘢事。」
其後記者叫伶俐和阿叻合照，伶俐面黑黑說：「唔好啦，我哋地位低微吖！阿驄話唔嬲，不過LV就冇得換，我特登訂返嚟㗎！」克勤反窒伶俐說：「LV係好嘅品牌，防水度好高嘅，如果佢嘅LV真係濕晒，我願意用我嗰個同佢交換。」
採訪、攝影：楊潔雯、李珮洳