前晚出席欣賞Fendi皮草show的名人包括溫碧霞夫婦、陳細潔及趙曾學韞的媳婦Audrey等人。
溫碧霞對於Fendi的皮草大表欣賞，但問她其夫何祖光曾否送她皮草時，她則說：「我老公好環保嘅，佢唔會送皮草畀我。」
談及近況，溫碧霞表示下周將往內地拍攝護膚品廣告，她說：「我今次係做代言人，會簽兩年約。其實我婚後一直都冇停過工作，我雖然結咗婚，但係我覺得唔做嘢會同社會脫節，所以冇諗過做全職少奶奶。」
問到近期不少藝人都惹上官司，溫碧霞說：「藝人都係人，都會犯錯，而且承受嘅壓力又大，我覺得大家應該畀番啲空間佢哋。娛樂圈都有好多正面嘅例子呀，好似周潤發同張學友咪係好好先生嘅代表囉。」