早陣子，亞Mark話過嚟緊德國歐寶會引入新一代Corsa城市小車，聽聞快者可望下月有新車到港㖭！但亞Mark最近收到風，話代理經已開始接受預訂，定價不過12萬3千（手波版），既有三門又有五門版選擇，除有齊天窗、14吋跑車合金胎軨同原廠霧燈外，重有Two-tone高級絲絨座、CD音響同前排四個安全氣袋㗎！主打Corsa會係一台1.4公升直4DOHC偈，匹配一套4前速自動波連SportMode選擇，以迷你CityCar級別而言，可謂應有盡有㗎！早年，呢款德國歐寶Corsa小車，曾響香港熱賣過好一陣子，有唔少車迷捧場，而據知𠵱家新車未到港，亦有唔少CorsaFans落訂支持；有興趣嘅朋友，就記得行快一步落Showroom打探一下喇！