吳文忻自小已喜歡收藏飾物，近年她又迷上絲巾、假髮和頭飾，貪靚的她又知慳識儉，二十多條絲巾總花費亦不需二千元；至於那六個假髮，每個亦花少於一百元。
吳文忻兩年多前開始迷上收藏絲巾、假髮和頭飾，她出埠時都喜歡到處搜羅心頭好，現時家中約有二十多條絲巾，但她日前表示不會因為喜歡而一擲千金，花費在絲巾上的錢只約二千元。
吳文忻說：「我自細就鍾意飾物，因為啲衫好貴，自己未必負擔得起，反而飾物細細件，能力範圍內都可以買到。我鍾意絲巾係呢兩年嘅事，因為絲巾除咗方便襯衫之外，重有好多用途，例如可以用嚟包上身做衫、又可以做頭巾、甚至做腰巾，我呢二十幾條絲巾都係喺唔同地方買返嚟，包括尼泊爾、法國、泰國、美國，當然香港都有啦。我最鍾意嗰條橙色嘅長絲巾，係去尼泊爾拍電影《情迷大話王》時買嘅，大概三百蚊左右。」
除了絲巾之外，吳文忻亦愛上收藏假髮，花費不多又可以令形象多變。伊人家中現有六個假髮，每個價錢不超過一百元。
女孩子天生愛買飾物，在吳文忻眾多的珍藏中，除了她視為最珍貴的98年港姐季軍后冠外，另一個較小的后冠她亦尤其鍾愛，她說：「呢個小后冠係我去日本選國際小姐時買嘅，因為覺得好得意，我喺台上着晚裝出場，除咗戴上港姐后冠外，亦有戴呢個小后冠，」
採訪：朱芷瑩 攝影：馬啟然 服裝提供：Replay