香港交易所轉眼間成立兩周年，噚日雖非正日，但也搞了一個酒會慶祝。有二五仔事前同八方講，港交所除邀請財政司司長梁錦松出任主禮嘉賓外，也誠邀電盈主席李澤楷、盛傳出任財經及庫務局局長的馬時亨，以及金管局總裁任志剛等出席。酒會於下午五時半舉行，但等到散場，也等不到這些嘉賓出席，稍為有啲可惜。另外，八方上年都寫過港交所的禮物是一盞枱燈，今年又同上年一樣，實在有啲意外！
講開又講，港交所近期成為傳媒焦點，皆因有人批評佢哋應將上市審批權交番畀證監會，以免港交所出現利益衝突，令到港交所行政總裁鄺其志有啲「勞氣」。八方噚日中午見到「神童鄺」，佢話自己冇「激氣」，只係講道理，因為港交所在上市審批及規管方面已係好「公平、公正」。
傳真︰2623-9278
電郵︰