立法會班議員平均五十幾歲，有啲一身兒女債，要養多十年八年先可以長大成人；但自由黨嘅張宇人，仔女都大晒，個仔二十九歲，𠵱家梗係恨抱孫。張宇人教落，如果真係鍾意對方，而且又想有下一代，梗係早啲結婚生仔好，仔女長大後，佢哋都唔會太老。
原來Tommy（張之洋名）喺美國讀大學時已經結婚，畢業時個仔就啱啱出世，佢重大歎當時經濟蕭條，不知幾難搵工，但由於自己係中國人，自尊心強，死都唔肯攞經濟援助。
六七十年代美國好流行食大麻，Tommy就話自己意志好堅定，深知毒品一食就好麻煩，所以從來未試過。佢點教仔女？「我會同佢哋講，如果你哋試咗，你唔使問我會唔會原諒你，因為連你都唔可以原諒你自己。」真係愛之深嘞。
傳真︰2623-9278
電郵︰