雖然高官問責制過咗立法會一關，但一樣公布唔到。估唔到董建華第二屆任期第一樣改革已經係「議而不決」，不過佢班候任馬仔就冇你咁好氣，個個爭住曝光。好似候任工商及科技局局長唐英年，噚日就走去港台《議事論事》講吓自己上任大計，又話到時有兩個稱職嘅常任秘書長幫手。
八方聽聞唐公子已經搵咗人，即係兩位常任秘書長，其中一位就梗係何宣威啦，話晒係做創新科技嘛！至於另一位唔係資訊科技廣播局局長尤曾家麗，而係廉政專員黎年！知情人士話黎年去老廉之前，做過貿易署署長，到時一個同佢睇科技，一個睇工商，就可以駛得萬年船。
傳真︰2623-9278
電郵︰