我Apple姐有兒有女,所以最清楚做孕婦陀仔嗰種辛苦法,尤其係坐月嗰陣,又唔可以減肥,都咪話唔難捱。 嗱!好似陳方安生嘅姨甥女陸介琳早前咪生咗雙胞胎,佢𠵱家係坐月期,但係同一般嘅媽咪一樣,佢已經忍唔住要出動逛街喇! 身形臃腫 我Apple姐前幾日喺金鐘太古廣場間名店Chloe度就遇到陸介琳,見佢身形重係好臃腫,大熱天時着啲衫一層叠一層,雖然佢未回復產前嘅fitfit身形,但係女人始終抵受唔住減價誘惑,未收身都要出嚟望吓有乜靚嘢。