保時捷Boxster開篷跑車推出至今已有一段時間，或多或少會予人有看膩之感；故此，最近廠方特別為其推出Facelifted新版，以吸引更多車迷注意。
新版Boxster嘅造型，雖與原有型號相近，但經過改動嘅頭泵把及擾流器，可有助改善高速行車時嘅穩定性；而生風導入口亦有所改動，同時亦能有助改善引擎及制動器嘅散熱問題。全新嘅頭燈設計，亦可增強車子本身嘅吸引力。另外，車尾部份亦被略作修改，除配用闊大死氣喉外，當中BoxsterS型號，更備有雙出式排氣喉組合，襯以全新設計嘅大口徑跑車胎軨，高性能跑車形象完全表露無遺。車廂配搭亦有作出改動，並改用較高級嘅物料製造，以顯現出其尊貴一面；而分別為2.7及3.2公升嘅水平對向六汽缸引擎，則為Boxster及BoxsterS提供充裕嘅動力輸出㖭。各位有興趣嘅車迷，不妨拭目以待喇。