日本首飾品牌Agatha昨日於銅鑼灣舉行開幕儀式，該品牌的總裁谷口浩二更專程由日本抵港，現場所見，更擺放着一個八十年代紅極一時的歌星近藤真彥所送的花籃，而大會更邀得名模李嘉慧與兩名日籍女模即場示範最新的首飾。
李嘉慧透露近期忙於睇樓，她說：「我𠵱家住喺新界，好多時做嘢都唔方便，所以諗住搬出港島區囉。我心目中想買嘅樓唔能夠太舊，住太舊嘅樓自己都會驚。」
昨日示範的Agatha首飾，售價為數百元至千多元，十分大眾化，對此李嘉慧說：「有時戴吓呢啲平平哋嘅飾物，用嚟襯衫都幾好。不過我試戴得多超級名貴嘅珠寶，都愈嚟愈鍾意戴大抽嘅飾物，第時結婚都希望戴大大抽嘅首飾出嫁。」記者問她有這個想法，要嫁個有錢人才可如願，她則笑說：「都唔一定嘅，自己努力都得嘅啫。」
採訪:DebbieLum、RitaLeung
攝影:KennyMa