紀律部隊職方團體聯席議會代表 黃偉雄 說:「我支持巴西隊!因為自細睇佢睇到大,覺得佢係武林盟主,技術神乎其技!」
籃球員 翁金驊 說:「我細細個已經鍾意巴西,薛高、蘇古迪斯更是我偶像,情意結下,希望巴西贏三比二啦。」
壁球員趙詠賢說:「兩隊實力不相伯仲,不過巴西有三R,攻擊力較強,相信巴西可以贏二比一。」
立法會議員 黃宏發 說:「英格蘭對巴西,勝出一方好大機會係今屆世界盃冠軍。我認為巴西實力重未見底。呢場比賽一定好精采。」
立法會議員 李華明 說:「由於巴西有三R,而且個人技術好,只要多用小組撞牆滲入,加上又無傷兵,所以估計巴西贏面高一線。」
藝人 李克勤 說:「我係英格蘭擁躉,無論佢對邊隊,我都係睇好英格蘭。」
有線足球評述員 馬啟仁 說:「預計巴西採取主動,英格蘭先穩守,再施突擊,有望取勝。如英格蘭闖過此關,奪標機會應該相當大。」
南華中場 李健和 說:「兩隊各有長短處。英格蘭愈戰愈勇,至於巴西防守中場存疑點。英巴兩隊同具冠軍相,勝方料可捧盃。」
本港首位華人檢察官 余叔韶 說:「咁多年來我都跟英國風,因我熟識英國球員。」他曾留學英國牛津大學,更曾加入校內的足球隊。
藝人 施念慈 說:「我兩隊都睇好,但我就鍾意英格蘭,因為有靚仔碧咸同奧雲,而且碧咸射罰球靚,奧雲跑得快,有實力。」